Ne Hobbydeechter hät et schwer
weed widder ens e Feß erwad.
Jedanke jon dann Hin und Her.
Dächlang weed als üverlaht.

Ahl Kamelle die sin längs jelötsch
mie wie einmol zom Pläsier.
Dä Deechter föhlt sich knatschverdötsch,
brängk nit vill Neues zo Papeer.

Die su en Feß jeneeße wolle
Han mehschtens nix dermet am Hoot.
Se denke wal: "Hör ens dä Doll",
han nitmols richtich zojehoot.

Se sin nit sparsam met Applaus
dat jehööt zom joode Ton.
Vielleich weed och jemotz:
"Wor et dat dann schon?"

Versök et doch ens rääch zo maache
jedem dä do kütt.
Die motze han kein Plaatz zom Laache,
Ävver Freud' an dä Kritik.

– Elisabeth Vesen

Einmal Auszeit nehmen,
mal von diesem, mal von jenem.
Die Gedanken fliehen in ferne Höhen.
Man lässt sie ziehen.
Sie finden eh zurück zu neuem
Tun und klugem Blick.

Wie dem klugem Blick. 

Wie dem es auch sei:

A U S Z E I T !

Die Gedanken sind frei.

Frieden auf Erden sollte es werden.

Damals!
Als die Engel verkünden: "Ihr werdet IHN finden."

Frieden auf Erden sollte es werden. Damals!

Fürchtet euch nicht, eilends zu gehen.
Ihr werdet sehen!

Frieden auf Erden soll es werden!
Heute wie damals.

Keiner hält se faß - de Zick.
Et es widder ens esu wick:
Adventskääze brenne.
Minsche jöcke, renne,
noch flöck jet en et Lut zo bränge.
Ävver wat?
Alle Jahre wieder!
Wochenlang em Clinch
met de schönste Weihnachtsleeder,
weil jo Stimmung bruch de Minsch.
Chressdaachszauber drömeröm.
Ävver woröm?
"Open Air" am Dom
für Fähnsin, Bild un Ton.
Weihnachtsleederdudelei
met Höhner, Bläckfööss un Pavei',
bis dat üvverschümp de Fantasie.
Ävver wie?
Will denn keiner ens en Puus sich gönne?
Still ens mallich ens e Leedche summe?
Besinnung muss vun Enne kumme!
Die kritt mer nit geschenk.
Jeiht dir et Image denn futtü?
Ävver, deiht dat dann esu wieh?

"Von mir überarbeites Zwiegespräch einer Dichterfreundin der Akademie."

Z = Immi                                K =ne Kölsche

Z “Dass ich nicht lache, was sind die Kölner doch für komische Leute! Früh am Morgen, fast noch nachtschlafende Zeit, wird Hühnerbrühe offeriert. Wenn das nicht äußerst komisch ist.”

K “Wä sät dat dann? Nachtschalfende Zeit? Zo der Zick kumme mer op Heim an. En der “Fünften Johreszick” müsse mer lang op de Bein blieve. Do Deiht en Tass Hönerzupp Wunder wirke. Die rappelt eine widder en de Hüh. Mer maache durch bis in de neue Daach eren. Bumsfaldera! Höhnerzupp jehöt met dobei.”

Z “Aber diese Schilder überall, mein Gott! Fenster zu vermieten. Wie komisch, man vermietet Wohnungen, Häuser, Lokale – Aber Fenster? Ist das vielleicht nicht komisch? Sogar noch im zweiten und dritten Stock.”

K “Wat Ihr nit saht! Von wo us soll dann uns ahl Tante Jettche oder und Groß de Zoch luure? Solle die vielleich en de Soot stonn, naße Fööss krije un krank weede? Oder für luuter Angst för de Schutzmann´s Päde en Botz maache? Finster vermeede, jehöt met dobei.”

Z “Sagen Sie mal, dieses tagelange Klopfen und die Hämmerrei in den Straßen. Die störenden Gerüste überall: am Alter Markt, Heumarkt, WDR-Arkaden und um den ehrwürdigen Dom herum? Was soll das eigentlich?”

K “Wovun kutt Ihr eijentlich vandens? Ihr hat üverhaupt kein Ahnung. Mer baue Tribüne, leev Madam! Vun do hät mer de Üvversicht, kann Strüßjer schnappe, Kamelle un Schokolad. Mer kann sich och ens reste, wenn nüdich. Usserdem jit dat och Grosche für de Fastelovendskass. Tribüne jehöre evens met dobei!”

Z “Und was ist das für ein dünnes süßes Zeug, das überall in der Stadt angeboten wird? Und die komischen Mäuse und Bällchen mit den Warzen darauf?”

K “Dat Zeuch, wie ihr et nenne dot, möht Ihr ens probiere. Dat sin Karnevals-Delikatesse. Dat sin kein Müs. Dat sin Muze ov Muzemändelche ov Krabbele. Do es esugar e Schüssje Ruseöl un Arrak dren verarbeid. Hm,hm, lecker! Dat jehöt evens all met dobei.”

Z “Da gibt es auch diesen komischen Donnerstag. Am frühen Vormittag, ich glaube um 11 Uhr 11, ein Gegröle, ein Getöse ohne Unterbrechung mit sogenannter Karnevalsschlager-Musik. Das ist nicht auszuhalten. Die Polizei kümmert es nicht. Die Frauen allen denen sogar um den hals. Wie respektlos! Und das in Ihrer Kulturstadt Köln.”

K “An däm komische Donnerstdaach es bei uns Wieverfastelovend. Dann han die Frauen et Sage, et Rejalt un de Botz aan, wie mer he bei uns sage. Dat jehöt evens met dobei.”

Z “Was da gespielt wird, ist fast unerträglich. Tagsüber und erst in der Nacht dieses Getöse und dieses Lärmen. Einfach hörschädigend. Kein Viertel ist da ausgenommen. Und die Polizei, wo bleibt die?”

K “Die weede sich höde jäje Tröötche, Fleute, Triangel, Rassel, Lavumm und Zimdeckele anzojonn. Dat es dä Anfang vun dä drei D´s: Drei dolle Däch! Decke Trumm, Saxofönche un Trööte sin tonanjebend. Esu trecke mer met Zimbumm, Quetschkommod und met Singsang durch et Veedel vun Weetschaff zo Weetschaff. Dat jehöt evens met dobei!”

Z “Mein Gott, wenn man sich die armen Leute besieht. Sagen Sie mal, woher kommt eigentlich der schwankende Gang bei so vielen?”

K “Die kommen meist aus einer “Spezialklinik”. Das heißt: “halt mich fass, do kütt en Weetschaff.” Körnche un Stößjer zeige ihr Wirkung. Mer nennen dat: Seemannsgang auf hoher Fahrt. Dä hät dä Dreh erus oder Fastelovends-Salom ohne Pooze. Dat jehöt evens met dobei!”

Z “Sagen Sie, Kölner Schneider kann man aber nicht empfehlen. Die Bekleidung, entschuldigen Sie, die Verkleidung sitzt hinten und vorne nicht. So lässt man die Leute hermumlaufen?”

K “Dat es et jo grad, leev Madam. Fastelovend es nix moßgeschneidert, kein Wöbche ov Faselümmche. Alles darf zo knapp, zo wick, zo koot, zo lang usfalle. Jeder noh singem Fazzung. Locker es anjesaat. En dä Däch falle Modepoppe us däm Rahme. Dat jehöt evens met dobei!”

Z “Ihre Werbeflächen im Stadtgebiet, die blenden einen ja geradezu mit marktschreienden und übertriebenen, bunten Plakaten, hier und da sogar abstößig.”

K “Nu hürt ens, leev Frau! Schließlich wolle mer wesse, wat Fastelovend esu läuf. Dat heiß, wo de Altstädter Funke, de Große Kölner, de Prinzen-und Ehrengarde, de Lyskircher Junge, un wie se all heiße, ihr Sitzunge un Maskenbälle han. Nit zo vergesse et “Zillche”. Dat jehöt evens met dobei!”

Z “Ich finde eure Feierei ist so systemlos. Überall herrscht Unordnung: Auf allen Straßen und Plätzen, an allen Ecken und Enden bunte Fähnchen, Konfetti, Luftschlangen. Das hängt alles einfach so herum. Dazu kommt die blöde Knallerei und die Bedrohung mit Knallplättchen. Man wird immer wieder aufgeschreckt.”

K “Dat es echt kölsche Aat. Bunt, löszich, Musik un Radau! De richtige Mischung, do müssen Sie sich ens dran jewenne. Wä sich opräch, es et selver Schuld. Dat jehöt evens dobei!”

Z “Das Wort Distanz exestiert wohl nicht im kölschen Wortschatz. Eben hat mich osgar ein wildfremder Mann gedutzt. Er wollte mich sogleich in den Arm nehmen. Stellen Sie sich das mal vor. Wie sittenlos!”

K “Dat muss ich zugeben. Dat es jo schrecklich! Ävver mer han Fastelovend un dann sin mer all ein Familich. Ov weiß, ov schwaz, ov jäl oder grön, ov brung, ov alt oder jung. Mer freue uns un fiere vun Hätze. Ov Mädcher, Möhne oder Fetze. Met Strüßje, Trööte, decke Trumm, Kamelle.”

MER ALL SIN KÖLLE!

Z “Eine letzte Frage: kann man sich überhaupt am sogenannten Rosenmontag auf die Straßen wagen?”

K “Do muss ich Sie warnen. Seien Sie vorsichtig! Wenn d´r Zoch kütt, dann schwapp de Freud üvver. Dann es janz Kölle total verdötscht. Dat hürt bis Äschermittwoch nit mih op.”

Tschüss Madam! Passt jot ob Üch op!

Leeven Herrgott!
Du bes uns kölsche Aat gewennt.
Bliev uns wigger jot gesennt.
Beschötz de Jecke he op Äde,
och die Verdötschte,
dat die nit noch verdötschter weede
en de "Fünfte Johreszick".
Am Engk se schlage noch de Jick.

Nimm uns op Sick, hösch bei de Hand,
wann mer sin us Rand und Band,
dat keiner fällt jih usdäm Rahme.

Uns Kölle, Alaaf! Amen.

Neujohrsempfang trick Minsche an.
Mer weiß jo wie dat es.
Et triff sich dä "Gemeinde-Clan"
des Sonndaachs noh de Mess.
Hück sin de Puute met dobei,
wie sich dat jehöt.
Noher dann beim Brezelkäu
zum Neue Johr weed gratuleet.

De Kirch, die es jerappelt voll,
wie zur Chressmett en de Naach.
Pastur, dä freut sich, dat es doll.
Hä hät sich Neues usjedaach.
Se machen all andächtich met.
Et weed jesunge un jebet.
Dann dat Mallörche: Kein Ton!
Et wor e Düvelche em Mikrofon.

Am Altar, mer soch hantiere,
doch mer kunnt wal nix mih verstonn.
Wat sollt jetzt zoeesch passiere?
Un wie sollt et wigger jonn?
Ming Frau, se dät sich immerhin
redlich dröm bemöhe.
Für e bessje mih zo sin,
stallt se sich op de Ziehe.

Et 'Vatter unser' kräch mer met.
Se joofe sich och all de Hängk.
Dann jingke Puute Schritt för Schritt
met Gläsjer durch de Bänk.
E paar vun dä Geheimnisträger
stitzelten an uns vörbei.
Jän hät ich dovun eins jekräje!
Noch wor ich janit an de Reih.

Ming Faru daach an de Osternaach.
Wie of se dät erlevve,
wann et Blömcher joov,
die se dät wiggerjevve.
Un am Engk, ihr eije Hängk,
se woren leer jeblevve.
Ich hat mich jet hinjesatz,
do kütt su ne kleine Fratz,
un joov mer en de Hand
vorsichtich e Gläsje
voll Flüssigkeit bes zom Rand.

Augenblicklich wor ich perplex.
Ich daach bei mer: "Wat mähste jetzt?"
De Hl. Geist wollt ich nit froge.
Et soch us, wie ne jode Klore.
Wie et Eva just im Paradiese,
joov mir ming Frau ne Wink.
Mach´s wie Adam auf der Wiese.
"Nit lang froge - drink!
En Geläjenheit wie die,
kriß du bestemmp nit mih.
Bedienung vun de Ministrante-Pänz,
un dat alles noch ömesöns."

Ich nippten esn , un flöck erunder!
Hä wor nit ärch kühl,
hat ne Hauch vun Bommerlunder,
su meinten ich un ming Jeföhl.

Zo spät! Mir kome jetztBedenke.
Öm mich eröm de Lück, se unkte.
Ich sollt mich sähne un verrenke.
Nu hatt ich dat Zeug jedrunke!
Da sagte mir der Hl. Geist:
"Bürschchen, damit du es weißt,
geweihtes Wasser ist neutral
un kein 'Whisky klerikal'."

Grad wie anjepöölt un baff
stund dä Ministrante-Jung.
Hä nohm mir jetz dat Gläsje av.
Wat sollt hä och anderes dun?
Ming Lissi nohm mich flöck beim 'Händi'.
"unjewollt du wors enorm!
Met 'CV-Heribert`s Brandy'
jesähnt blievs du noch lang in Form."

Dat Düvelche em Mikrofon
hatt sich durch de Koot jemaht.
Jetzt hatte mer widder Ton.
De Opräjung hatt sich jelaht.
Bedde, Singe un 'Jesähnte Klore',
limiteet un nit för jede,
wör vielleicht dat Wore,
künnt wal ne Dauerbrenner weede!
zur "Brezelsmess" em nächste Johr,
su Gott et will: Ich bin do!
Wade widder op dä Wink:
"Froch nit lang, bes nit bang.
Fritz, drink!"

Ich ben ne kleine 'Loss-mich-jonn',
nemme et nit mih su genau.
Wä mir zo flöck entgäge kütt,
loss ich zoeesch ens stonn.

Dann frogen ich salopp: "Wat läuf?
Wo jitt et jet zo bewäje?
Dir steiht jo ald de Schweiss om Häuf.
Wodran deiht et dir bloß fähle?"

Du mähs Termine noch un noch.
Kriss bal nit mih de Kier.
Du höpps eröm vun Loch zo Loch.
De Zick jehürt ald nit mieh dir.

Alles met Bedaach zo nemme,
wor eh un je am allerbess.
Su deiht em Kopp och alle stimme
un keine Stress jitt dir de Ress.

Dat kannste doch nit wolle!
Versök doch nit dich selvs zo üvverholle!

Et es müsjestill, stäneklor de Naach.
Lang lijen ich ald wach.
Ich denk zoröck:
Weihnachten - Kinderglöck.
Et fingk ald an vor Zinterklos.
Besonders brav jetzt wollt mer sin.
Sogar et Spille op de Stroß
dät mer jetz hösch un fing.
Verkamesöle, zänke, stuppe

jo, och de Knatscherei,
wollt de Aufgab nit räch fluppe,
dat wor vun Jestere ald Schnei.
Mer jov de Mamm kein Widderwööt,
sollt holle mer jet jonn.
Mer dät laufe, wie et sich gehöt.
Alles woodt jo esu jään jedonn.
Heimlich dät mer flämme, oh jo,
en nem Kühlche en de Äd.
Die Wunderkääz vum letzte Johr,
ob die et wal noch dät?
Kääzestummele un Lemmetsjaan!

De Herrgott weiß, wie kom mer dran.
Hervslaub un jet drüje Äs,
su brennt e Füerche wal am bes.
Bal kom och de Löchtemann.
De eeschte Glaslatän jingk an.
Flöck no Hus em Stänekajeer.
Dann woodt et still. De Stroß wor leer.
Zwei Hängk, ich kunnt se spüre
op mingem Wuschelkopp.
De Mamm drop dät ich hüre:
"Do wors su brav hück, leeve Stropp!"
Plätzjesduft jigk vun ihr us
bei dem hätzlich selige Schmus.

En ihr Schötzel drückten ich deef
ming Nas - bis dat ich schleef.

De Adventszick es vorüvver.

Vier Kääze sin an de Nääl gebrannt.

Denk mer nöher ens dodrüvver: Woes de Zick

wal hingerannt?

De Weihnachtsmüüs sin nit zo packe,

de Weihnachtsplätzjer einfach fott.

Ald zweimol dät mer noh se backe.

Wat maache mer jetzt, do leeven Gott?

Nit zo gläuve. Halt ens en!

Ich wollt noch Weihnachtskaate schrieve.

Hät dat üvverhaup noch Sinn?

Mer kann och alles üvverdrieve.

Eetz waade ich drop, wer mir noch schriev

un machen et dann wohr.

Wä schriev, dä bliev!

Vun Hätze wünsche ich üch:

“En glöcklich Neujohr”!