Drusse es et unger Null.
De Nas, die läuf wie doll.
Beim Odemeholle pief de Bruss.
Et fällt och noch de Heizung us.
Ich roode dir, et allerbess,
do krüffs flöck en ding Lappekess.
Jeiht et dir ens nit vum Beste
häs doll jefiert feste Feste.
Du kriss och noch et ärme Dier
un weiss, du kannst jo nix dofür.
Ich rode dir, et allerbess,
do krüffs flöck en ding Lappekess.

Flupp et nit rääch met de Gedanke,
sin de eins zo vill bestellt.
Ich rode dir, et allerbess,
do krüffs flöck en ding Lappekess.
Fählt partout dir och de Stimmung,
weil alles durcheinander schwemmb,
Diagnose: Ladehemmung!
Mach dir jo nit en et Hemb.
Ich rode dir, et allerbess,
do krüffs flöck en ding Lappekess.