Nemm dich doch ens op de Schöpp,
dun dir nit selver leid.
Su weed leich, wat dich bedröck.
Du wegs sin, wie jot dat deit.

Nemm dich jo nit su dudähnz,
pluster dich ens nur nit op.
Du meins vielleich, du künns bestemme.
Janz secher waden vill ald drop,
dinge Platz ens enzonemme.

Stell dich doch ens vür de Speejel.
Mach kein suur un bedröv Geseech.
Do steiht wal och ne "kleine Flejel".
Wo Schatte es, do es och Leech.