Ne Fleutekessel en de Köch
ersetzt noch lang kein Mösch.
Blankgeputzt steiht hä om Herd,
fein poleert, adrett.
Dat es dä Fleutemann uns wert,
dä usgedeent jetzt hät.

Mein Gott, moht dä e Wasser schlecke
des morjens ald en Herrjottsfröh!
Durch de Schnuut erenjeschott
für Kaffee fein ov Murrebröh

Damit hä nit sollt platze vür Hetz,
kom op dat Schnuuteloch en Fleut.
Die stund im jot, däm Fetz.
Wenn wild et drinne sprudele dät,
als wör de Düvel loss,
fing einfach hä met Fleuten an.

Vill Droppe Schweiß hät dat jekoss.
De Fleut, wie schad, se es kapott!
Dä Kessel hät et op de Brust,
dä jo dat heiße Wasser jov
für su manch "Pöttche Truus".