Hürs du vun Fähn dä Glockeklang vum Huhe Dom de Rhing entlang? De decke Pitter es mächtig am lügge: Huhe Fierdaach en Kölle am Rhing. De Domduve dun sich verdröcke. Op de "Schäl-Sick" do kann mer se sin. Nevvean beim "FRÜH" klimpere de Gläser. Pittermännche, die weeden mobil. Dem Dom-Hotel rappele de Dörre. Vun de Krüzbloom verdutzt luur en Ühl. Mer hürt nit mih dä Glockeklang vum Huhe Dom de Rhing entlang. Dem Decke Pitter jingk de Bömmel fleeje. Kladderadatsch! Noch einmol maht et "bimm". De Kirchenmüüs sich opräjen däte, weil dat se wosste nit räch mih wohin. Ne neue Bömmel es wal huhnüdig em Hellige Kölle, dat darf doch nit sin. De "Decke Pitter" künnt jo nit mih roofe, huh Fieredäch enlügge bei uns he am Rhing. En aller lel hä kräch ne neue Bömmel. De Glockestuff es widder komplett. Deef un mächtig weed hä lügge, wenn uns leev Kölle huhe Fierdäch hät.