"Einer muss de Anfang maache!" Säht de Köbes zo dem Schäng, "Wo et keine Anfang jit, do jit et och kein Engk." "Einer muss de Anfang maache!" Hät och dä Herrjott sich jesaht. In sechs Däch hät hä de Minsch, et All un für uns de Äd jemaht. "Einer muss de Anfang maache!" Im Paradies et Eva steiht. "Komm Adam. flöck ens bieße! Do wees sin, wie jot dat deit." "Einer muss de Anfang maache!" De Herrjott luurt jrad öm de Eck, "Ihr hat nit jehoot op mich. Eraus met üch, un dat tirek!" "Einer muss de Anfang maache!" De Adam für et Ev' jetzt säht, "Mir maache uns he us däm Stöpp, un schön jemütlich op de Äd."