Ich ben ne kleine 'Loss-mich-jonn',
nemme et nit mih su genau.
Wä mir zo flöck entgäge kütt,
loss ich zoeesch ens stonn.
Dann frogen ich salopp: "Wat läuf?
Wo jitt et jet zo bewäje?
Dir steiht jo ald de Schweiss om Häuf.
Wodran deiht et dir bloß fähle?"
Du mähs Termine noch un noch.
Kriss bal nit mih de Kier.
Du höpps eröm vun Loch zo Loch.
De Zick jehürt ald nit mieh dir.
Alles met Bedaach zo nemme,
wor eh un je am allerbess.
Su deiht em Kopp och alle stimme
un keine Stress jitt dir de Ress.
Dat kannste doch nit wolle!
Versök doch nit dich selvs zo üvverholle!
