Möschejezwitscher Vüjelssproch? Wä kann se üvversetze? Opjeräch es dä Verzäll janz jewess. Deiht et rääne, dann schuren se em Geäst. Wat die sich wal zo sage han em Mösche-Parlament. Dat weiß nur dä Mösche-Clan, dä bestemp jet dovun kennt. Se künne nit fleute ov jubiliere. Dat weeden se niemaols liere. De janzen Daach mer hööt se piepsche, of Männche oder Wievje. En Unraß es en Mösch op de Stroß, em Struch un em Jebösch. Fröh jehöpp, es ald halv jewonne! Su denke wal de Mösche, wie jän se sich och sonne. Et Fedderkleid es grau en grau. Esu hät de Här se jo jemaht. Fröhmorjens ald lauthals lamentiere. Jo, dat es däm Möschevolk sin Aat.