Et räänt wie en Bies un et es kalt. De Tapet muss erunder, se es ald jet alt. Dat jingk och ganz flöck vun Eck zo Eck. Nu es dat Zimmer - beautiful bläck. De neu Tapet, se hät Rapport! Ming Faru, die kütt und meld sich zo Wort: "Die zweite Bahn hängk jo verkeet, wo häs do dann tapezeere jeleet?" Ich treck flöck an däm Plagge, die es jo noch feuch. Drop mäht et "platsch" un av es dat Zeuch. Et Lissi mäht sich dönn, husch es se weg. Nu es dat Zimmer widder - beautiful bläck. En neue Bahn muss her, nur richtig beschnedde. Dat es jo nit schwer, met Blome en de Medde. Noch han ich de Zidder, do kütt et Lissi widder. Ich wor janz verschrocke und jonn en de Hocke. Fründlich von Fähn hür ich ihr Stemm: "Fritz, dat es doch halv esu schlemm. Dun dich widder bewäje. Et wör nur jot, eesch ens ze üvverläje."